Matthew 22
រឿងពិធីជប់លៀងមង្គលការដ៏ធំមួយ
1ព្រះយេស៊ូមានបន្ទូលឆ្លើយទៅពួកគេជារឿងប្រៀបប្រដូចទៀតថា៖ 2«នគរស្ថានសួគ៌ប្រៀបដូចជាស្ដេចមួយអង្គដែលរៀបចំពិធីមង្គលការឲ្យកូនរបស់ខ្លួន 3ស្ដេចបានចាត់ពួកបាវបម្រើឲ្យទៅហៅភ្ញៀវដែលបានអញ្ជើញឲ្យមកចូលរួមពិធីមង្គលការប៉ុន្ដែពួកគេមិនចង់មកទេ។ 4ស្ដេចក៏ចាត់ពួកបាវបម្រើផ្សេងទៀតឲ្យទៅម្ដងទៀតដោយមានបន្ទូលថាចូរប្រាប់ភ្ញៀវដែលបានអញ្ជើញថាមើល៍យើងបានរៀបចំអាហាររបស់យើងរួចហើយគោនិងសត្វបំប៉នធាត់ៗបានសម្លាប់រួចហើយអ្វីៗត្រូវបានរៀបចំជាស្រេចសូមអញ្ជើញមកចូលរួមពិធីមង្គលការចុះ។ 5ប៉ុន្ដែពួកភ្ញៀវមិនខ្វល់ទេម្នាក់ចេញទៅចម្ការរបស់ខ្លួនម្នាក់ទៀតទៅប្រកបរបររកស៊ីរបស់ខ្លួន 6ហើយអ្នកខ្លះទៀតបានចាប់ពួកបាវបម្រើទាំងនោះធ្វើបាបហើយសម្លាប់ចោល។ 7ដូច្នេះស្ដេចក៏ខឹងហើយបានចាត់ទាហានរបស់ខ្លួនឲ្យទៅកម្ទេចឃាតកទាំងនោះទាំងដុតក្រុងរបស់ពួកគេចោលផង 8បន្ទាប់មកស្ដេចមានបន្ទូលទៅពួកបាវបម្រើរបស់ខ្លួនថាពិធីមង្គលការបានរៀបចំរួចជាស្រេចហើយប៉ុន្ដែភ្ញៀវដែលបានអញ្ជើញទាំងនោះមិនស័ក្តិសមនឹងចូលរួមទេ 9ដូច្នេះចូរទៅផ្លូវបំបែកហើយអញ្ជើញអស់អ្នកដែលអ្នកជួបឲ្យមកចូលរួមពិធីមង្គលការចុះ 10ពួកបាវបម្រើទាំងនោះក៏បានចេញទៅតាមផ្លូវប្រមូលមនុស្សគ្រប់គ្នាដែលគេបានជួបទាំងល្អទាំងអាក្រក់ហើយពិធីមង្គលការក៏មានភ្ញៀវពេញ 11កាលស្ដេចយាងមកជួបភ្ញៀវកំពុងអង្គុយនៅតុអាហារនោះស្ដេចបានឃើញបុរសម្នាក់ដែលមិនបានស្លៀកសម្លៀកបំពាក់សម្រាប់ពិធីមង្គលការ 12ស្ដេចក៏មានបន្ទូលទៅគាត់ថាសម្លាញ់អើយ! ដូចម្ដេចបានជាអ្នកចូលមកទីនេះដោយគ្មានសម្លៀកបំពាក់សម្រាប់ពិធីមង្គលការដូច្នេះ? តែបុរសនោះមិនចេញស្ដីសោះ 13បន្ទាប់មកស្ដេចមានបន្ទូលទៅពួកអ្នកបម្រើថាចូរចងដៃចងជើងអ្នកនេះហើយបោះវាទៅក្នុងសេចក្ដីងងឹតនៅខាងក្រៅទៅ។ នៅទីនោះមានតែការទ្រហោយំនិងការសង្កៀតធ្មេញ 14ដ្បិតហៅបានច្រើននាក់មែនប៉ុន្ដែជ្រើសរើសបានតិចតួចទេ។ពន្ធដារព្រះចៅអធិរាជនិងតង្ចាយព្រះជាម្ចាស់
15បន្ទាប់មកពួកអ្នកខាងគណៈផារិស៊ីបានចេញទៅពិគ្រោះគ្នាដើម្បីចាប់កំហុសពេលព្រះអង្គមានបន្ទូល 16ពួកគេក៏ចាត់សិស្សរបស់ខ្លួនឲ្យទៅជាមួយពួកអ្នកខាងគណៈហេរ៉ូឌ ▼▼«គណ:ហេរ៉ូឌ» គឺជាគណ:បក្សនយោបាយមួយរបស់ជនជាតិយូដា ដែលគាំទ្រការគ្រប់គ្រងរបស់ពូជពង្សរបស់ស្ដេចហេរ៉ូឌគ្រប់ជំនាន់។
ទូលព្រះអង្គថា៖ «លោកគ្រូអើយ! យើងដឹងថាលោកពិតត្រង់ហើយបង្រៀនអំពីផ្លូវរបស់ព្រះជាម្ចាស់ទៅតាមសេចក្ដីពិតនិងមិនខ្វល់ពីអ្នកណាទេព្រោះលោកមិនយល់មុខមនុស្សណាឡើយ 17ដូច្នេះសូមប្រាប់យើងផងថាលោកគិតយ៉ាងដូចម្ដេចតើការបង់ពន្ធដារឲ្យព្រះចៅអធិរាជនោះតឹ្រមត្រូវតាមវិន័យដែរឬទេ?» 18ប៉ុន្ដែព្រះយេស៊ូជ្រាបពីបំណងអាក្រក់របស់ពួកគេក៏មានបន្ទូលថា៖ «មនុស្សមានពុតអើយ! ហេតុអ្វីក៏អ្នករាល់គ្នាល្បងលខ្ញុំដូច្នេះ? 19ចូរបង្ហាញកាក់សម្រាប់បង់ពន្ធឲ្យខ្ញុំមើល៍» នោះគេក៏យកកាក់មួយឌេណារី ▼▼«ឌេណារី» ជាកាក់ប្រាក់ដែលមានតំលៃស្មើនឹងឈ្នួលពលកម្មមួយថ្ងៃសម្រាប់អ្នកធ្វើការនៅជនបទ។
មកឲ្យព្រះអង្គ 20រួចព្រះអង្គមានបន្ទូលទៅពួកគេថា៖ «តើរូបនិងចំណារលើកាក់នេះជារបស់នរណា?» 21ពួកគេទូលព្រះអង្គថា៖ «ជារបស់ព្រះចៅអធិរាជ» នោះព្រះអង្គមានបន្ទូលទៅពួកគេថា៖ «ដូច្នេះចូរឲ្យអ្វីៗដែលជារបស់ព្រះចៅអធិរាជដល់ព្រះចៅអធិរាជរួចថ្វាយអ្វីៗដែលជារបស់ព្រះជាម្ចាស់ដល់ព្រះជាម្ចាស់ចុះ» 22កាលឮដូច្នេះពួកគេក៏នឹកអស្ចារ្យហើយក៏ចាកចេញពីព្រះអង្គទៅ។ ពួកអ្នកខាងគណៈសាឌូស៊ីល្បងលព្រះយេស៊ូ
23នៅថ្ងៃនោះពួកអ្នកខាងគណៈសាឌូស៊ីដែលនិយាយថាគ្មានការរស់ឡើងវិញបានចូលមកជិតព្រះអង្គសួរ 24ថា៖ «លោកគ្រូលោកម៉ូសេនិយាយថាប្រសិនបើអ្នកណាម្នាក់ស្លាប់ទៅដោយគ្មានកូនសោះនោះប្អូនប្រុសរបស់គាត់ត្រូវយកប្រពន្ធរបស់គាត់ដើម្បីបង្កើតកូនឲ្យគាត់ ▼▼«លោកម៉ូសេ...ឲ្យគាត់» សូមមើលទុតិ ២៥:៥-៦។
25ឥឡូវនេះក្នុងចំណោមយើងខ្ញុំមានបងប្អូនប្រុសប្រាំពីរនាក់បងប្រុសច្បងបានយកប្រពន្ធរួចក៏ស្លាប់ទៅហើយបន្សល់ប្រពន្ធទុកឲ្យប្អូនប្រុសរបស់គាត់ដោយគ្មានកូនសោះ 26ប្អូនប្រុសទីពីរប្អូនប្រុសទីបីរហូតដល់ប្អូនប្រុសទីប្រាំពីរក៏ដូចគ្នាដែរ។ 27នៅទីបំផុតស្ដ្រីនោះក៏ស្លាប់ទៅ។ 28ដូច្នេះនៅពេលរស់ឡើងវិញតើនាងជាប្រពន្ធរបស់អ្នកណាក្នុងចំណោមបងប្អូនប្រុសទាំងប្រាំពីរនាក់នេះ? ដ្បិតពួកគេទាំងអស់គ្នាបានយកនាងធ្វើជាប្រពន្ធ» 29ព្រះយេស៊ូមានបន្ទូលឆ្លើយទៅពួកគេថា៖ «ពួកលោកយល់ច្រឡំហើយព្រោះពួកលោកមិនយល់បទគម្ពីរនិងអំណាចរបស់ព្រះជាម្ចាស់ 30ដ្បិតនៅពេលរស់ឡើងវិញគេមិនរៀបការជាប្ដីប្រពន្ធទៀតឡើយប៉ុន្ដែពួកគេដូចជាពួកទេវតានៅស្ថានសួគ៌វិញ 31ទាក់ទងនឹងការដែលមនុស្សស្លាប់រស់ឡើងវិញតើពួកលោកមិនបានអានទេឬអំពីសេចក្ដីដែលព្រះជាម្ចាស់បានមានបន្ទូលមកពួកលោកថា 32យើងជាព្រះរបស់អ័ប្រាហាំជាព្រះរបស់អ៊ីសាកនិងជាព្រះរបស់យ៉ាកុបដូច្នេះព្រះជាម្ចាស់មិនមែនជាព្រះរបស់មនុស្សស្លាប់ទេតែជាព្រះរបស់មនុស្សរស់»។ 33កាលបណ្ដាជនស្ដាប់ឮដូច្នេះក៏នឹកអស្ចារ្យពីសេចក្ដីបង្រៀនរបស់ព្រះអង្គ។ ព្រះយេស៊ូបង្រៀនអំពីបញ្ញត្ដិសំខាន់ជាងគេ
34ពេលពួកអ្នកខាងគណៈផារិស៊ីឮថាព្រះអង្គបានធ្វើឲ្យពួកអ្នកខាងគណៈសាឌូស៊ីស្ងាត់មាត់នោះក៏មកជួបជុំគ្នា 35ហើយមានម្នាក់នៅក្នុងចំណោមពួកគេជាអ្នកជំនាញច្បាប់ ▼▼«អ្នកជំនាញច្បាប់» ជាពួកគ្រូវិន័យដែលចេះច្បាប់របស់លោកម៉ូសេច្បាស់។
បានសួរល្បងព្រះអង្គថា៖ 36«លោកគ្រូតើនៅក្នុងគម្ពីរវិន័យបញ្ញត្ដិមួយណាសំខាន់ជាងគេ?» 37ព្រះអង្គមានបន្ទូលទៅគាត់ថា៖ «អ្នកត្រូវស្រលាញ់ព្រះអម្ចាស់ជាព្រះរបស់អ្នកឲ្យអស់ពីចិត្ដអស់ពីព្រលឹងនិងអស់ពីគំនិតរបស់អ្នក ▼▼«អ្នកត្រូវស្រលាញ់...អ្នក» សូមមើល ទុតិ ៦:៥។
38នេះហើយជាបញ្ញត្ដិទីមួយនិងសំខាន់ជាងគេ 39ឯបញ្ញត្ដិទីពីរក៏សំខាន់ដូចគ្នាគឺអ្នកត្រូវស្រលាញ់អ្នកជិតខាងរបស់អ្នកឲ្យដូចជាខ្លួនឯង 40គម្ពីរវិន័យនិងពាក្យរបស់អ្នកនាំព្រះបន្ទូលទាំងអស់ផ្អែកលើបញ្ញត្ដិទាំងពីរនេះ»។ ព្រះយេស៊ូមានបន្ទូលអំពីព្រះមែស៊ី
41ហើយកាលពួកអ្នកខាងគណៈផារិស៊ីកំពុងជួបជុំគ្នាព្រះយេស៊ូក៏មានបន្ទូលសួរពួកគេ 42ថា៖ «តើពួកលោកគិតយ៉ាងដូចម្ដេចដែរអំពីព្រះគ្រិស្ដ? តើព្រះអង្គជាពូជពង្សរបស់នរណា?» គេទូលព្រះអង្គថា៖ «ជាពូជពង្សដាវីឌ ▼▼«ពូជពង្សដាវីឌ» ជាឈ្មោះដែលពួកយូដាប្រើសម្រាប់ព្រះសង្គ្រោះ ដែលព្រះជាម្ចាស់បានសន្យាថា ជាតំណវង្ស និងជាអ្នកស្នងរាជ្យរបស់ស្តេចដាវីឌ។
» 43ព្រះអង្គមានបន្ទូលទៅពួកគេថា៖ «ចុះហេតុដូចម្ដេចបានជាដាវីឌហៅព្រះអង្គដោយព្រះវិញ្ញាណថាព្រះអម្ចាស់ដូច្នេះដ្បិតដាវីឌនិយាយថា 44ព្រះអម្ចាស់មានបន្ទូលមកកាន់ព្រះអម្ចាស់របស់ខ្ញុំថាចូរអង្គុយនៅខាងស្ដាំយើងរហូតដល់យើងដាក់ខ្មាំងសត្រូវរបស់អ្នកនៅក្រោមជើងរបស់ ▼▼«ព្រះអម្ចាស់...របស់អ្នក» សូមមើល ទំនុក ១១០:១។
អ្នក 45ដូច្នេះបើដាវីឌហៅព្រះអង្គថាព្រះអម្ចាស់តើព្រះអង្គជាពូជពង្សដាវីឌយ៉ាងដូចម្ដេចទៅ?» 46គ្មាននរណាម្នាក់អាចឆ្លើយនឹងព្រះយេស៊ូបានឡើយសូម្បីតែមួយម៉ាត់ហើយក៏គ្មាននរណាហ៊ានសួរព្រះអង្គទៀតដែរចាប់តាំងពីថ្ងៃនោះមក។
Copyright information for
KhmKCB